Мерейтоймен құттықтау. Е.Мырзахметов
Аса құрметті әріптестер!
Қазақ ұлтының тарихында бұрын-соңды болмаған, есесіне өз іргесі қаланғаннан бері 90 жыл бойы Кеңес Үкіметі ғана емес, бүкіл дүниеге аса ірі ғылыми-зерттеу жұмыстарымен танылған даңқты Қазақ республикалық лепрозорий ұжымын төл мерейтойымен құттықтаймын!
Қазақстан халқының денсаулығының сақшысы ретінде қиындығы мен күрделілігі тұрғысынан кез-келген басқа ауру түрлерінен оқшау, әрі қауіпті сырқаттарды емдеп жазуда жаңа әдіс-тәсілдерді қолданып, нағыз ерлікке парапар еңбектеріңіздің табысты нәтижелеріне бұдан да әрі қол жеткізе берулеріңізге тілектеспін.
Халықтың құрметі мен ризашылығы сіздерге дем беріп, абырой-атақтарыңыз асқақтай түссін.
Бәріңізге мықты денсаулық пен халық игілігіне арналған мұрат-мақсаттарыңыздың орындалуын Алла нәсіп етсін!
Мен сіздердің кәсіби, адами, таза жүректен шығып жататын асыл қасиеттеріңізді өмір бойы құрметтеп өтемін.
Әріптестеріңіз: Ержан МЫРЗАХМЕТОВ
медицина ғылымдарының докторы, профессор